“Together with Ukraine for the Memory Tourism… “War Pandemic”, a real threat for tourism”.
Ka qenë ky titulli i eventit të mbajtur në ambientet e ITB Berlin, organizuar nga Gremi Clinic dhe Dritan Gremi, në bashkëpunim me Mariana Oleskiv, drejtoresha e Agjencisë Kombëtare të Zhvillimit të turizmit në Ukrainë.
Në këtë aktivitet që kishte për qëllim promovimin e turizmit të memories, përfaqësuesit e të dy vendeve përcollën specifikat e secilit vend sa I takon këtij lloj turizmi, që ndoshta në një të ardhme të afërt do të mundet të ketë pavijonin e tij në panairet ndërkombëtare.
Ndërsa zoti Gremi e kishte lançuar për herë të parë idene e turizmit të memories në Shqipëri një vit më parë, edhe në këtë edicion të ITB ai theksoi mesazhin e rëndësishëm se e shkuara nuk duhet harruar, për të mos u përsëritur.
Duke kujtuar faktin që Shqipëria ka jetuar një nga diktaturat më të egra në Europë gjatë regjimit të Hoxhës, Gremi solli në vëmendje rëndësinë që ka tashmë njohja me simbolet e asaj periudhe dhe kthimi I tyre në pika të vizitueshme nga turistët .
Nga ana tjetër zonja Oleskiv, prezantoi projektin e Ukrainës për të identifikuar dhe ndërtuar një rrjet të vendeve të luftës që do të kthehen në pika të vizitueshme për turistët, për të treguar pasojat e luftës dhe të vërtetën e saj.
Zonja Oleskiv dhe zoti Gremi, theksuan gjithashtu rëndësinë dhe mundësinë që çdo individ duhet të ketë për të jetuar në një botë të lirë.
