Sociale

Vodhi dy makina dhe shkaktoi dy aksidente, policia arreston 32-vjeçarin që iu iku nga spitali

1 Min lexim

Një 32-vjeçar është arrestuar nga Policia e Tiranës pasi gjatë ditës së sotme ka vjedhur dy automjete dhe ka shkaktuar dy aksidente.
Policia bën me dije se rreth orës 13:30 është njoftuar për një aksident te ish-Uzina e Autotraktorëve. Pasi kanë mbërritur në vendin e ngjarjes, kanë konstatuar se drejtuesi i automjetit, 32-vjeçari Florjan Fejza ishte plagosur.
Efektivët e policisë e kanë transportuar menjëherë 32-vjeçarin për në spital për të marrë ndihmë mjekësore. Por, pasi kanë kryer verifikimin e dokumenteve të automjetit tip “Volkswagen”, ka rezultuar se makina ishte vjedhur vetëm pak minuta para aksidentit nga Florjan Fejza në Fushë-Farkë.
Pasi ka marrë ndihmë mjekësore, Florjan Fejza ka tentuar arratisjen nga forcat policisë. Ai ka dalë nga spitali dhe ka vjedhur një makinë tip “Ford” që ndodhej në parkingun e spitalit duke u larguar në drejtim të autostradës Tiranë-Durrës.
Në përpjekje për t’i shpëtuar policisë, 32-vjeçari ka humbur kontrollin e makinës dhe është përplasur me disa automjete të tjera. Pas vjedhjes dhe aksidentit të dytë, forcat e policisë arritën ta arrestojnë 32-vjeçarin që dyshohet se vuan nga problemet të shëndetit mendor.
Për arrestimin e Florjan Fjezës u angazhuan edhe Forcat e Posaçme “Shqiponja”, përveç efektivëve të Komisariatit të Policisë Nr. 3, të Komisariatit Nr. 4, dhe shërbimet e Qarkullimit Rrugor.

Postime të ngjashme
Lajmi i ditësSociale

Për engjëllin e vogël që ra në shtratin e vdekjes dhe nuk u zgjua dot më kurrë!

2 Min lexim
Sot jam i mbushur si asnjëherë tjetër! Jam plot mërzi, keqardhje, pikëllim, zhgënjim dhe urrejtje, me veten dhe me gjithë ata që…
Sociale

Skandali/ Rrajat lehtësohen nga akuza, ekspertiza e fisit Maja 17 ditë pas dhunës 

3 Min lexim
Në foton më poshtë janë pasojat e dhunës së ushtruar nga anëtarë të fisit Rraja, ndaj njërit prej anëtarëve të fisit Maja,…
Sociale

Nëse spitalet shtetërore do të funksionin, privati do të kishte falimentuar. E vetmja rrugë për ta, turizmi shëndetësor

4 Min lexim
110 milionë euro shpenzuan shqiptarët në sistemin shëndetësor privat gjatë vitit 2022. Një shifër që tingëllon e panevojshme, po të kemi parasysh…

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

×
Sociale

Si po na vrasin skuterët elektrik?